Fiil de Fer!

Trenta tocch de fill de fèrr per ligà la mia dignità
per saràla in una brenta e per fàla stravaccà
trenta oecc de pèss in carpiòn, trenta cioo senza capèla,
trenta paròll che ho rubaa de'n libru per fàcch el fiil... a la tua surèla...

Sun la scaja de vedru rutt de la tua ültima damigiana,
pifferaio sempru ciucch cun trii cobra in fila indiana,
sun rüvaa cun la biciclèta senza manübri e senza cadèna
sun rüvaa per fàtt capì che de sparàmm.... vaar mea la pena...

I me sogn hann finii la benza, el mè coer l'ho faa in salmì,
la cuscienza la paar un quedru de Salvador Dalì...
sun't un sciàtt cun la dolcevita i principess i m'hann mai basaa
sun't un troj cun la pata vèrta e per un euro se foo pescà....

trenta tocch de lamièra spèssa per giügà a picà deent el coo
trenta culpi de rivultèla per fa mea capì el mè nömm,
el mè pà l'era un urinari... la mia màmm 'na mitragliatriis
la mia barca la fuunda sempru e sto soel fuund.... cumè fa el butriis

Sun nassüü suta quèla pianta dove Giuda el s'è impicaa
gh'eren là trenta denari e me quindess ghi hoo rubaa
ma i danee ghe serviven mea per pagàss el paradiis
sun turnaa suta quela pianta e ho lassaaa lé dumà i radiis...

Sun l'umbriia de quell'omm de merda che te voeret mea diventà
sun quell tocch de paröla spurca che duperet per bestemà
ma de nocc quaand se calma l'unda te me vegneree a cercà...
i tò amiis i te disen i bàll... e noem bastardi... la verità

...eeeeeeeeeeh perché la sua surèla la sta le a spiciatt...